Antuan Semenyo İngiltərənin "Mançester Siti" klubunda rekordu təkrarlayıb.

Rekord.az xəbər verir ki, cinah oyunçusu buna "Tottenhem"lə heç-heçə etdikləri (2:2) 24-cü turun matçında fərqlənməklə nail olub.

Qanalı forvard "şəhərlilər"in heyətində dördüncü qolunu vurub. 26 yaşlı vinger İngiltərə Premyer Liqasının yaranmasından (1992/1993) sonra bütün yarışlarda "Mançester Siti"də ilk beş qarşılaşmanın dördündə qol vuran ikinci oyunçudur.

Əvvəllər yalnız toqolu Emmanuel Adebayor 2009-cu ildə bunu bacarıb.

Semenyo yanvarın 9-da Mançester təmsilçisinə keçib.