Növbəti mövsümdən Premyer Liqada çıxış edəcək "Kəpəz"in yay hazırlıq planı məlum olub.

Komandanın baş məşqçisi Yaşar Vahabzadənin Rekord.az-a verdiyi açıqlamaya görə, komanda iyunun 20-də Gəncədə bir araya gələcək. 

Gəncə toplanışı təxminən 10 gün çəkəcək. Daha sonra isə komanda hazırlığın ikinci mərhələsini keçmək üçün Bakıya gəlməyi düşünür. Ölkə xaricində toplanış keçmək də istisna deyil. Lakin bu məsələ qarşıdakı günlərdə tam dəqiqləşəcək.

Qeyd edək ki, "Kəpəz"in Gürcüstana getmək variantı var.