Növbəti mövsüm Premyer Liqada oynamaq hüququ qazanan “Kəpəz”də büdcə ilə bağlı suallara hələ də aydınlıq gəlməyib.

Rekord.az xəbər verir ki, bununla belə, rəhbərlik və baş məşqçi Yaşar Vahabzadə heyətlə bağlı müəyyən işlər aparmağa başlayıb.

Məsələnin detalları ilə bağlı bəzi məlumatlar əldə etmişik. Belə ki, yerli bazarda futbolçu qıtlığı olduğundan Gəncə təmsilçisi heyətin yarısı gəlmələrin hesabına formalaşdırmaq istəyir. Lakin həmin gəlmələr bildiyimiz legionerlər olmayacaq. Çünki bunun üçün büdcə yetərli deyil. “Kəpəz” daha çox vaxtı ilə Azərbaycanda oynamış və milliləşdirilmiş futbolçuların hesabına güclənmək istəyir. Bir növü “Sumqayıt”ın yolu ilə getmək istəyirlər. Deyilənə görə, bəzi futbolçularla kontakta da keçilib.