Villi Sanyol Gürcüstan milli komandasının baş məşqçisi vəzifəsindən istefa verib.

Rekord.az xəbər verir ki, bu barədə Gürcüstan Futbol Federasiyasının mətbuat xidməti məlumat yayıb.

Fransalı mütəxəssis 2021-ci ildən Gürcüstan millisinin baş məşqçisi idi. Onun rəhbərliyi altında komanda tarixində ilk dəfə 2024-cü il Avropa çempionatına vəsiqə qazanıb və turnirin pley-off mərhələsinə yüksəlib.

Milli komandaya yeni baş məşqçi təyin olunub. Ramaz Svanadze 2028-ci ilin sonuna qədər Gürcüstan yığmasına rəhbərlik edəcək.

Svanadze bundan əvvəl Gürcüstanın U-21 millisində çalışıb və komandanı iki dəfə Avropa çempionatının final mərhələsinə çıxarıb.

Qeyd edək ki, Gürcüstan millisi Millətlər Liqasında sentyabrın 25-də Şimali İrlandiyaya evdə 0:1 hesabı ilə uduzub.