Avstraliya millisinin üzvü Mitçel Dyuk DÇ-2022-nin 2-ci turunda Tunislə oyunda (1:0) vurduğu qolu oğluna həsr edib.

Rekord.az xəbər verir ki, bu barədə futbolçu özü bildirib.

Uşaq həmin vaxt atasının oyununu izləmək üçün stadiona gəlib. Lakin Dyuk və oğlu 6 ay idi ki, bir-birlərini görmürdülər. Mitçel qol vurduğu an operatorlar onun oğlunu nümayiş etdiriblər. Futbolçu isə komandasının yeganə qələbə qolunu oğluna həsr etdiyini deyib:

"Dünya kubokunda iştirak üçün heyət açıqlananda oğlumla danışırdım. Bir hücumçu kimi matçda qol vuracağına inam lazımdır. Oğluma dedim ki, qol vuran kimi ona həsr edəcəyəm".