"Kəpəz"in sabiq legioneri Aleksandr Sıtnik ölkəsi Ukraynada döyüşlərə qoşulub.

Rekord.az xəbər verir ki, 38 yaşlı hücumçu Slavyansk şəhərinin müdafiəsində iştirak edir.

İlk günlərdə səngərdən-səngərə qaçdığını deyən forvard nə baş verdiyini anlamadığını bildirib:

"Əvvəl gizlənirdim. Amma artıq öyrəşmişəm. Daha doğrusu, buna alışmaq qeyri-mümkündür.

Anlayıram ki, başımın üstündən mərmilər uçur və istənilən vaxt mənə dəyə bilər. Sadəcə, indi qorxu yoxdur, müəyyən təcrübə qazanmışam".

Aleksandr Sıtnik 2015/2016 mövsümündə "Kəpəz"də çıxış edib.