"Şamaxı"nın portuqaliyalı futbolçusu Dioqo Balau Rekord.az-a müsahibə verib:

- Ötən tur "Sumqayıt"ı səfərdə məğlub edib vacib 3 xal qazandınız...

- Bu oyunda qələbə qazanmaq bizim üçün çox vacib idi. Çünki Şamaxıdakı oyunda son dəqiqələrdə qollar buraxaraq qələbəni əldən vermişdik.  Bu dəfə yaxşı oynadıq və qələbə qazandıq.

- 4-cü pillədəki "Zirə" ilə xal fərqiniz 9-dur. Aradan götürülməsi mümkün olmayan xal fərqi deyil. Avrokubok şansı haqda düşünürsünüz?

- Bəli, 9 xal elə də böyük fərq deyil. Amma biz əsas olaraq oyundan oyuna köklənirik. Əgər bütün oyunları yüksək səviyyədə keçirsək, avrokuboklara şans əldə etməyimiz də mümkündür.

- Daha 1 illik müqavilən var, özünü Azərbaycanda necə hiss edirsən?

- "Şamaxı" klubunda özümü xoşbəxt hiss edirəm. Şamaxı şəhərinə gəlincə, kiçik şəhər olsa da, hər şey normaldı, heç bir problem yoxdur.

- Azərbaycanda yaşamaq necə hissdir?

- Gözəl hissdir, özümü bu ölkədə 100 faiz əla hiss edirəm.