“Real Madrid”in və “Tottenhem”in keçmiş yarımmüdafiəçisi Rafael van der Vart Frenki de Yonqla bağlı vəziyyətə görə “Barselona” rəhbərliyini tənqid edib. 

Rekord.az "Daily Star"a istinadən xəbər verir ki, 39 yaşlı mütəxəssis Kataloniya klubunu “mafiya” adlandırıb:

“Əgər sənin pulun yoxdursa, oyunçuları necə ala bilərsən? Azarkeşlər və futbol ictimaiyyəti qarşısında ayıbdır. Laporta iri başı ilə hər yerdə gülüsəməkdən əl çəkmir. Bu adam özünü padşah hesab edir.  De Yonqla və ya digər İnsanlarla belə davranmaq olmaz. Bu mafiyadır və onlar cəzalandırılmalıdır”.