Almaniyanın kişilərdən ibarət milli komandası İngiltərə ilə UEFA Millətlər Liqasının dünənki qpur matçına (1:1) qadın yığma komandasının forması ilə çıxıb.

Rekord.az xəbər verir ki, onlar qadınlar arasında keçiriləcək Avropa çempionatına dəstək məqsədi ilə bu addımı atıblar. 

Futbol ləvazimatları üzrə ixtisaslaşmış “Footyheadlines” internet portalı yazır ki, bununla komanda UEFA-nın əsasnaməsini pozub və bu səbəbdən Almaniya Futbol İttifaqının cərimələnəcəyi gözlənilir. Məsələ burasındadır ki, qadın millisinin forması üzərində iki ulduz var. Bu, komandanın iki dəfə dünya çempionu olmasına işarədir. Kişi millisi isə dörd dəfə dünya çempionu olduğundan onun forması üzərində dörd ulduz olmalıdır. 

FİFA və UEFA-nın rəsmi forma qaydaları kişi və qadın komandalarının Dünya Kubokunda qələbə üçün ulduz mübadiləsini qadağan edir. Əgər kişilərdən ibarət milli forma üzərinə daha iki ulduz işarəsi əlavə edərsə, bu halda qaydalar çərçivəsində qadın yığmasının formasında oynaya bilər.