Misli Premyer Liqasının "Sabah"la keçirilən 31-ci tur matçında ciddi zədə alaraq mövsüm erkən bitirən Tərlan Əhmədli növbəti mövsümdə də Tovuz təmsilçisinin şərəfini qoruyacaq.

Rekord.az-a etibarlı mənbədən ötürülən məlumata görə, 29 yaşlı qapıçı ilə ilkin anlaşma əldə olunub.

Mövsümün sonunda isə yeni müqaviləyə imza atılacaq.

Qeyd edək ki, Tərlan 2022-ci ilin iyununda "Turan Tovuz"la yeni müqavilə bağlamışdı.