Millimizin üzvü Ramil Şeydayev çıxış etdiyi "Dinamo"nu qış transfer pəncərəsində böyük ehtimalla tərk edəcək.

Rekord.az-ın "Sport-Express" nəşrinə istinadən yaydığı xəbərə görə, Moskva təmsilçisinin komandadan ayrılacağı gözlənilən futbolçular siyahısında 23 yaşlı hücumçu da var.

Bildirilib ki, yeni baş məşqçi Kirill Novikovun rəhbərliyi altında yalnız bir matçda meydanda olan Ramil paytaxt klubundan gedəcək.

Qeyd edək ki, bu ilin yayından "Dinamo"da oynayan R.Şeydayevin klubu ilə müqaviləsi bu mövsümün sonunda başa çatır.