"Qarabağ"ın futbolçusu Kevin Medina Azərbaycan Premyer Liqasının XIX turunda "Sabah"a qarşı forma geyinməyəcək.

Rekord.az xəbər verir ki, kolumbiyalı müdafiəçi "Qəbələ" ilə hazırda davam edən qarşılaşmada cəzalı duruma düşüb.

O, 40-cı dəqiqədə İsnik Alimiyə kobudluq edərək, penaltiyə səbəbkar olmaqla yanaşı, çempionatda dördüncü dəfə xəbərdarlıq alıb. Beləliklə, Medina sarı vərəqə limitini doldurub.

65-ci dəqiqədə isə 29 yaşlı oyunçu komandasının üçüncü qolunu vurub.

"Sabah" - "Qarabağ" görüşü martın 12-də keçiriləcək.