Misli Premyer Liqasının 31-ci tur davam edir. 

Rekord.az xəbər verir ki, bu günə daha iki oyun nəzərdə tutulub.

Günün ilk matçında “Qəbələ” öz meydanında “Qarabağ”ı qəbul edir. Hazırda turnir cədvəlində Ağdam klubu 62 xalla 2-ci, “qırmızı-qaralar” isə 20 xalla 11-cidir.

İlk iki dövrədə bu komandaların oyunlarında sevinən tərəf “Qarabağ” olub. Ağdam klubu ilk dövrədə 2:0, daha sonra isə 2:1 hesabı ilə qalib gəlib. 

İkinci qarşılaşmada isə “Sumqayıt” “Araz-Naxçıvan”ı sınağa çəkəcək. Sona 3 tur qalmış Naxçıvan təmsilçisi 40 xalla 6-cı, “Sumqayıt” isə 38 xalla 7-ci pillədə qərarlaşıb.

Cari mövsüm bu komandalar arasında keçirilən matçlarda tərəflər hərəyə bir qələbə qazanıblar. “Sumqayıt” rəqibini 3:2, “Araz-Naxçıvan” isə 1:0 hesabı ilə məğlub edib. 

9 may

17:00. “Qəbələ” - “Qarabağ” - 1:1

Qol: Kadi Borqes, 29, - Akinadi, 57
Baş hakim: İnqilab Məmmədov
Qəbələ şəhər stadionu

19:30. “Sumqayıt” - “Araz-Naxçıvan”
Baş hakim: Rəvan Həmzəzadə
Mehdi Hüseynzadə adına Sumqayıt şəhər stadionu

10 may

17:00. “Turan Tovuz” - “Karvan-Yevlax”

19:30. “Neftçi” - “Şamaxı”

8 may

“İmişli” - “Zirə” - 0:0

“Sabah” - “Kəpəz” - 0:1

Bombardirlər:

Coy Lens Mikels (“Sabah”) - 19 qol

Bassalu Sambu ("Neftçi") - 11 qol

Velko Şimiç (“Sabah”) - 11 qol

Emin Mahmudov ("Neftçi") - 10 qol

Joarlem Santos ("Turan Tovuz") - 10 qol

Karim Rossi ("Şamaxı") - 9 qol

Leandro Andrade ("Qarabağ") - 9 qol