"Barselona"nın prezidenti Joan Laporta Çempionlar Liqasının qrup mərhələsinin 6-cı turunda "Bavariya"ya qarşı keçirəcəkləri oyun haqda danışıb.

Rekord.az İspaniya mətbuatına istinadən xəbər verir ki, o, Münhen təmsilçisi ilə sonuncu görüşdə yaxşı nəticə qazanacaqlarına inanır:

"Bavariya"nı məğlub etmək bacara biləcəyimiz hədəfdir. Münhendə möcüzə olacaq. Qələbə qazanacağımıza əminəm" - deyə Laporta bildirib.

Qeyd edək ki, "Bavariya" E qrupunda 15 xalla 1-ci, "Barselona" 7 xalla 2-ci pillədə qərarlaşıb.  Bu komandalar arasında matç dekabrın 9-u keçiriləcək.