Azərbaycan Basketbol Liqasının 14-cü turunda bu gün bir görüş keçiriləcək.

Rekord.az xəbər verir ki, "Gəncə" evdə "Sabah"la üz-üzə gələcək.

A qrupunun qarşılaşması Gəncə İdman Sarayında, saat 14:00-da başlayacaq. "Sabah" 23 xalla qrupda 2-ci pillədə qərarlaşıb. 17 xala malik "Gəncə" isə dördüncüdür.

Turun daha əvvəl baş tutan matçlarında "Sumqayıt" "Ordu"nu (100:96), "Quba" "Lənkəran"ı (86:68), "Naxçıvan" "Sərhədçi"ni (65:57) məğlub edib.

Tura yanvarın 25-də yekun vurulacaq.