"Gəncə" növbəti legioner transferini reallaşdırıb.


Rekord.az xəbər verir ki, sözügedən komanda ABŞ-dən olan Delano Spenserlə anlaşıb.


Hücumçu ilə mövsümün sonuna kimi müqavilə imzalanıb. 191 sm boyunda olan Spenser Nizami yurdunun təmsilçisində 1 nömrəli sarı-göy rəngli formanı daşıyacaq.


31 yaşlı basketbolçu ölkəmizə Dominikan çempionatından gəlib. O, Şimali Amerika ölkəsində "Kaneros" klubunun şərəfini qoruyub.