"Atalanta" onu icarəyə verdi
- 2022-08-11 21:00
- 307
İtaliyanın "Torino" klubu heyətini yeni futbolçu ilə gücləndirib.
Rekord.az xəbər verir ki, Turin təmsilçisi "Atalanta"dan Aleksey Mirançuku transfer edib. Bu barədə klubun rəsmi saytı məlumat yayıb.
Rusiya millisinin üzvü 2022/2023 mövsümünü icarə əsasında "Torino"da keçirəcək. 26 yaşlı hücumçunun müqaviləsində 12 milyon avroluq satınalma maddəsi qeyd olunub.
Qeyd edək ki, Aleksey Mirançuk "Atalanta"ya 2020-ci ildə Moskva "Lokomotiv"indən transfer olunub. O, son mövsümdə Berqamo təmsilçisinin heyətində 25 matçda 2 qol və 5 məhsuldar ötürmə ilə yadda qalıb.