“Aris”in (Yunanıstan) baş məşqçisi Marinos Uzunidis Konfrans Liqasının 2-ci təsnifat mərhələsində "Araz-Naxçıvan"a qarşı keçirəcəkləri oyundan fikirlərini bölüşüb.

Rekord.az xəbər verir ki, o, matçdan öncə keçirilmiş mətbuat konfransında səfər qarşılaşmasından sərfəli nəticə ilə dönmək istədiklərini bildirib:

“Bu, mənim Azərbaycana ilk səfərim deyil. Daha əvvəl "Qəbələ" klubuna rəqib baş məşqçi kimi ölkənizə səfər etmişdim. "Araz-Naxçıvan"ı təhlil etmişik, bizi nə gözlədiyini bilirik. Bizi çətin qarşılaşma gözləyir".

“Araz-Naxçıvan” – “Aris” qarşılaşması sabah, saat 20:00-da “Dalğa Arena”da baş tutacaq.