Ağsu rayon Uşaq-Gənclər İdman-Şahmat Məktəbində Dağlıq Şirvan Regional Gənclər və İdman İdarəsinin Ağsu rayonu üzrə gənclər və idman sektorunun və Ağsu rayon UGİŞM-nin birgə təşkilatçılığı ilə "20 Yanvar-Ümumxalq Hüzn Günü"nə həsr olunmuş şahmat idman növü üzrə rayon turniri keçirilmişdir.

Rekord.az xəbər verir ki, yarışın əvvəlində "20 Yanvar" şəhidlərinin xatirəsi bir dəqiqəlik sükutla yad edilmişdir.

Turnirin keçirilməsində əsas məqsəd əlamətdar günlərin qeyd olunması, rayonda idmanın və rayon idmançılarının inkişafını dəstəkləmək olmuşdur. İki yaş qrupunda keçirilən yarışda qaliblər təşkilatçılar tərəfindən diplom və medallarla mükafatlandırılıblar.