“Sabah"ın baş məşqçisi Valdas Dambrauskas bu gün Premyer Liqanın 3-cü turu çərçivəsində doğma meydanda "İmişli"yə qarşı keçirdikləri oyunla bağlı fikirlərini bölüşüb.

Rekord.az xəbər verir ki, o, 0:1 hesablı məğlubiyyətlə bağlı bunları söyləyib:

"İmişli"ni qələbə münasibəti ilə təbrik edirəm. Bu qələbə rəqib üçün böyük qalibiyyətdir. Bunu təntənəli şəkildə qeyd edirdilər. Bizə gəldikdə, ümid etmirdik ki, oyun bu cür alınacaq. Əlbəttə, futbolda bəzən belə hallar baş verir. Çünki hər iki hissədə dominant, topa daha çox sahib olan tərəf biz idik. Cərimə meydançasına daha çox daxil olan komanda biz idik. Amma qapının önündə kəskinlik çatışmırdı. Rəqibin birinci hissədə və ikinci hissədə bir epizodu oldu. Onlar ikinci hissədəki epizodlarından fərqləndilər. Biz bu səhvlərdən nəticələr çıxarmalıyıq, öyrənməli və bu səhvləri bir daha etməməliyik. Milli komandaların oyununa görə, fasilə olacaq. Fasilədə çalışacağıq ki, çatışmayan cəhətləri, xüsusilə də üçüncü bölgədə, rəqib qapısına yaxın çatışmayan nələr varsa, onu inkişaf etdirək".