İspaniyanın “Real” klubu Cud Bellingemin transferini açıqlayıb.

Rekord.az klubun rəsmi saytına istinadən xəbər verir ki, Almaniya təmsilçisi “Borussiya”dan (Dortmund) alınan 19 yaşlı yarımmüdafiəçi ilə 6 illik müqavilə imzalanıb.

Madridlilər İngiltərə millisinin üzvü üçün Dortmund klubuna 103 milyon avro ödəyəcəklər.

Bellingem “Borussiya”ya 2020-ci ildə İngiltərə klubu “Birmingem”dən 25 milyon avroya keçmişdi.