Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Rekord.az sözügedən qurumun rəsmi saytına istinadən xəbər verir ki, 302 komandanın yer aldığı siyahıda Azərbaycan təmsilçilərindən “Qarabağ” və “Neftçi” də var.

Aktivində 141,5 xalı olan Ağdam klubu ötən ayla müqayisədə 10 pillə irəliləyərək 89-cu yerə yüksəlib. “Neftçi” isə 81 xalla 221-ci mövqedən 235-ci sırayadək geriləyib. 

İlk “3-lük”də 310 xalla "Palmeyras" (Braziliya), 291 xalla "Liverpul" (İngiltərə) və 287 xalla “Flamenqo” (Braziliya) qərarlaşıb.