"Şamaxı"nın baş məşqçisi Ayxan Abbasov Premyer Liqanın 3-cü turu çərçivəsində səfərdə "Sumqayıt"a qarşı keçirdikləri oyundan sonra fikirlərini bölüşüb.

Rekord.az xəbər verir ki, o,  1:1 hesablı heç-heçə barədə bunları söyləyib:

“Gərgin oyun olacağı bilinirdi. "Sumqayıt" çempionata çox yaxşı başlayıb. Bilirdik ki, onlar "Qarabağ"a qalib gələndən sonra çox inamlıdırlar. Biz də xal qazanmaq istəyirdik. Real epizodlar yalnız zərbələrlə olurdu. Öz qapımıza qol vurandan sonra futbolçuların reaksiya verməsi məni sevindirdi. Hesab 1:1 olandan sonra ən real epizodlar bizdə oldu. Hər iki komanda 1 xala layiq idi. Milli fasilə olacaq. Daha yaxşı olmalıyıq. Əlimizdə olan futbolçularla mübarizə aparacağıq.

İki hücumçu ilə oynamağı sevirəm. Yoxlama oyunlarında da bunu sınamışıq. Belə gedişlər olacaq. Edqar Adilxanovdan "Sabah"la matçda razı qalmışdım. Gənc oyunçularda stabillik həmişə olmur. Hər şey nəzarətimizdədir. Edqarın böyük potensialı var. Onun gələcəkdə daha yaxşı olacağına inanırıq”.