"Bayern" və "Yuventus"un sabiq futbolçusu Duqlas Kostanın yeni klubu müəyyənləşib.

Futbolinfo.az xəbər verir ki, o, İtaliyanın “Verona” komandasına keçib. Bu barədə klubun mətbuat xidməti məlumat yayıb.

35 yaşlı yarımmüdafiəçi ilə 2025/26 mövsümünün sonuna qədər müqavilə imzalanıb. 

Xatırladaq ki, braziliyalı futbolçu şəxsi problemləri səbəbindən 2025-ci ilin sentyabr ayında Avstraliya "Sidney"indən ayrılmışdı və həmin vaxtdan klubsuz idi. Karyerası ərzində Kosta "Yuventus", "Bayern", "Los-Anceles Qelaksi", "Fluminense" və "Qremio"da da oynayıb.