“Sumqayıt"ın baş məşqçisi Saşa İliç Premyer Liqanın 3-cü turu çərçivəsində doğma meydanda "Şamaxı"ya qarşı keçirdikləri oyundan sonra fikirlərini bölüşüb.

Rekord.az xəbər verir ki, o, 1:1 hesablı heç-heçədən sonra bunları söyləyib:

“Çox çətin oyun oldu. Hər iki tərəf qələbə qazana bilərdi. Birinci hissədə yaxşı oynasaq da, ikinci yarıda işlər mənim istədiyim kimi getmədi.

Bəzən olur ki, yaxşı müdafiə də qol buraxır. Bu gün də adi bir vəziyyətdə qapımızda qol gördük. İkinci hissədə problemlərimiz oldu. Bu da  uzun ötürmələrlə bağlı idi. Top ünvana çatmırdı.

Əslində fasilənin yaranması bizim xeyrimizədir. Çünki, "Qarabağ"la matçda oyunçular yorulmuşdu. Qələbə seriyamız bitsə də, bu fasilə bizə lazım idi.

İlk 3 turdan sonrakı nəticəmiz, "Qarabağ"ın da rəqiblər arasında olmasını nəzərə alsaq, yaxşıdır. Bu, hələ çempionatın əvvəlidir. Ancaq növbəti oyunu fikirləşirik. "Qarabağ" Azərbaycanın ən güclü komandasıdır. Çempionlar Liqasının Liqa mərhələsinə vəsiqə qazanmaqla da bunu sübut etdilər. Hər oyunun çətin olacağını düşünürəm”.