"Trabzonspor"un futbolçusu Tasos Bakasetas karyerasını İtaliyada davam etdirə bilər.

Rekord.az xəbər verir ki, yunan yarımmüdafiəçi ilə "Fiorentina" maraqlanır. Bu barədə Yunanıstan mətbuatı məlumat yayıb. Xəbərdə A Seriyası təmsilçisinin yaxın zamanda futbolçunun meneceriylə görüşəcəyi bildirilib.

Bakasetasın adı daha əvvəl "Sportinq"lə hallanırdı.

28 yaşlı yarımmüdafiəçi "Trabzonspor"la bu mövsüm 36 oyunda 8 qol vurub, 8 məhsuldar ötürmə edib.