İslam Həmrəyliyi Oyunlarında Azərbaycanın futbol üzrə milli komandasının baş məşqçisi Samir Əliyev olacaq.

Rekord.az-ın xəbərinə görə, bu haqda məlumatı AFFA-nın icraçı vitse-prezidenti Elxan Məmmədov verib.

“Əsasnaməyə uyğun olaraq, yarışda 1998-ci il təvəllüdlü futbolçular iştirak edəcək. Həmçinin 3 təcrübəli oyunçu da olacaq”. 

Türkiyənin Konya şəhərində təşkil olunacaq yarış avqusta başlanacaq. Futbol millisinin yarışa hazırlığına isə mart ayında start veriləcək: “Vaxt məsələsini də nəzərə almalıyıq. Həm çempionatın növbəti mövsümü, həm də avrokuboklarda iştirak edəcək komandalarımızın avqustda oyunları keçiriləcək. Bu mənada bir az çətinliklər ola bilər”.