Futbol üzrə Rusiya və İran yığmaları arasında yoldaşlıq oyunu keçiriləcək.

Rekord.az xəbər verir ki, bu barədə İran mətbuatı məlumat yayıb.

Xəbəri İran Futbol Federasiyasının prezidenti Mehdi Taci də təsdiqləyib. Federasiya rəhbəri bildirib ki, görüş martda Tehranda keçiriləcək. 

Onun sözlərinə görə, təkcə kişilər yox, İran və Rusiyanın qadınlardan ibarət milli komandaları da yoxlama matçında üz-üzə gələcəklər. 

Xatırladaq ki, 2022-ci ilin fevralında UEFA və FİFA-nın qərarları ilə Rusiyanın bütün klub və komandaları beynəlxalq yarışlardan kənarlaşdırılıb.