"Mançester Yunayted"in futbolçusu Kriştiano Ronaldo qarşıya qoyduğu məqsədlərindən danışıb. 

Rekord.az xəbər verir ki, bir neçə gün öncə mart ayının ən yaxşı oyunçusu seçilən 37 yaşlı hücumçu bu haqda öz İnstaqram hesabında paylaşım edib.

Ronaldo komandası ilə birgə uğurlar qazanmaq istədiyini bildirib: 

"Fərdi nailiyyətlər hər zaman müsbət qarşılanır. Ancaq bunlar komanda ilə birgə uğurlara bağlı olanda daha qiymətli olur. Mövsümün sonuna qədər mübarizə aparmağımız üçün çox şey var. Hədəflərimizdən qətiyyən imtina etməyəcəyik. Son nəfəsimə qədər mübarizə aparacağam". 

Qeyd edək ki, "Mançester Yunayted" hazırda Premyer Liqanın turnir cədvəlində 51 xalla 7-cidir.