Portuqaliyanın "Portu" klubu Fransanın "Renn" komandasının yarımmüdafiəçisi Seku Fofananı icarəyə götürüb.

Rekord.az xəbər verir ki, Fildişi Sahili millisinin 31 yaşlı futbolçusu ilə müqavilənin müddəti 2027-ci ilin yayına qədər nəzərdə tutulub.

Futbolçu 2025-ci ildən "Renn"də çıxış edir və onun Fransa klubu ilə müqaviləsinin müddəti 2029-cu il iyunun 30-dək nəzərdə tutulub.

Yarımmüdafiəçi 2025/2026 mövsümündə Liqa 1-də keçirdiyi 12 matçda 1 qol vurub, Avropa Liqasında isə 4 oyunda meydanda olsa da, məhsuldar göstərici ilə fərqlənməyib.

Seku Fofana karyerası ərzində Səudiyyə Ərəbistanının "Əl-İttifaq", "Əl-Nəsr", Fransanın "Lans", "Bastiya", "Loryan", İtaliyanın "Udineze", İngiltərənin "Fulhem" və "Mançester Siti" komandalarında forma geyinib. "Transfermarkt" portalına görə futbolçunun dəyəri 8 milyon avrodur.