İspaniyanın “Real” komandasının müdafiəçisi Xesus Valyexo koronavirusa yoluxub.

Rekord.az xəbər verir ki, bu barədə Madrid təmsilçisinin rəsmi saytı məlumat yayıb.

25 yaşlı futbolçunun sonuncu COVİD-19 testi pozitiv çıxıb. Bu üzdən də o, karantinə alınıb və komandanın “Çelsi” ilə oyun üçün açıqlanmış heyətində yer almayıb.

“Real” sabah UEFA Çempionlar Liqasının 1/4 final mərhələsinin cavab oyununda İngiltərənin “Çelsi” komandasını qəbul edəcək. Komandalar arasındakı ilk görüşdə Madrid təmsilçisi 3:1 hesablı qələbəyə sevinib.