Qazax Olimpiya İdman Kompleksində 2010-2011-ci il təvəllüdlü kiçik yaşlı yeniyetmə oğlan və qızlar arasında ağırlıqqaldırma üzrə Qazax rayon UGİM-nin açıq birinciliyi keçirilib.
Rekord.az xəbər verir ki, yarışda Qazax -Tovuz Regional Gənclər və İdman idarəsinin rəis müavini Elçin Cəfərov və Qazax rayon UGİM-nin direktoru Rəhim Namazov çıxış edərək iştirakçılara uğurlar arzulayıblar.
Gərgin və maraqlı idman mübarizəsi şəraitində keçən yarışda yüksək nəticə əldə etmiş idmançılar Qazax rayon UGİM-nin müvafiq diplomları ilə təltif olunub.