UEFA "Qarabağ"ın Konfrans Liqasının qrup mərhələsindəki rəqiblərindən biri "Bazel"i cəzalandırıb.

Rekord.az xəbər verir ki, buna səbəb qrup mərhələsinin 6-cı turunda komandanın azarkeşlərinin Ağdam təmsilçisi ilə ev oyununda davranışları olub.

Klub fanatları görüşdə ümumi istifadə üçün nəzərdə tutulmuş keçidləri bağlayıb və priotexniki vasitələrdən istifadə edib.

"Bazel" keçidlərin bağlanmasına görə 6 min avro, priotexniki vasitələrdən yararlanmalarına görə isə 13 min 750 avro cərimələnib.

"Bazel" - "Qarabağ" matçı meydan sahiblərinin 3:0 hesablı qələbəsi ilə başa çatıb.