“Qarabağ” - “Şamaxı” matçı 5 manata
- 2022-08-26 23:09
- 354
Azərbaycan Premyer Liqasının 4-cü turunda keçiriləcək “Qarabağ” – “Şamaxı” qarşılaşmasının biletləri sabah - avqustun 27-də satışa çıxarılacaq.
Rekord.az xəbər verir ki, bu barədə Ağdam klubunun mətbuat xidməti məlumat yayıb.
Bilet satışı saat 11:00-dan oyun başlayanadək davam edəcək.
Biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat təşkil edir.
Biletləri Iticket.az-dan və "Azersun Arena"nın kassalarından ala bilərsiniz.
Qapılar azarkeşlər üçün matçın start fitindən 90 dəqiqə əvvəl açılacaq.
“Azərsun Arena”da keçiriləcək “Qarabağ” – “Şamaxı” matçına saat 20:30-da start veriləcək.