Dekabrın 26-da 2025-ci ilin idman yekunlarına həsr olunan mərasim keçirilib. "Rekord.az" xəbər verir ki, Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev mərasimdə iştirak edib.
Dövlətimizin başçısı tədbirdə çıxış edib.
Sonra Azərbaycanda idmanın inkişafında xidmətləri olan idmançıların və idman mütəxəssislərinin mükafatlandırılması mərasimi oldu. Mükafat alanlar sırasında Azərbaycan Voleybol Federasiyasının nümayəndəsi və milli voleybolçumuz da olub.
Prezident İlham Əliyev Azərbaycanda idmanın inkişafında xüsusi xidmətlərinə və yüksək peşəkarlığına görə Zöhrab Gözəlbəyliyə “Əməkdar bədən tərbiyəsi və idman xadimi” fəxri adı vəsiqəsini təqdim etdi.
Dövlətimizin başçısı 2025-ci ildə yüksək nailiyyətlər qazanmış bir qrup idmançıya və idman mütəxəssisinə, o cümlədən qadın voleybolçulardan ibarət Azərbaycan millisinin hücumçusu Yelizaveta Rubana yeni mənzilin orderlərini təqdim etdi.
Sonra xatirə şəkli çəkdirildi.
Daha sonra Prezident İlham Əliyev idmançılarla söhbət etdi.