PSJ-nin hücumçusu Neymar gələcək planları haqda danışıb.

Rekord.az xəbər verir ki, Neymar karyerasını vətənində bitirməyi düşünür.

Amma ona qədər ABŞ-da da oynamq istəyir: “Yenidən “Santos”da oynamaq istəyirəm. Evdəki matçlar, bu gözəl stadion üçün darıxıram.

Ən azı bir mövsüm də ABŞ-da keçirmək istəyirəm. Orada qısa çempionat, 3-4 aylıq məzuniyyət var”.

30 yaşlı Neymar "Santos"un yetirməsidir. O, 2013-cü ildə "Barselona"ya keçib.

İspan klubunda 2017-ci ilə qədər oynayıb, 186 matç keçirib, 105 qol vurub və 76 məhsuldar ötürmə verib. “Barselona” 2017-ci ildə PSJ-yə keçən futbolçuya görə rekord məbləğdə - 222 milyon avro alıb.