Voleybol üzrə 18 yaşadək (U-18) qızlardan ibarət Azərbaycan yığması Avropa çempionatının 2-ci təsnifat mərhələsində iştirak edəcək. "Rekord.az" xəbər verir ki, voleybolçularımız 27-29 mart tarixlərində İspaniyanın ev sahibi olacağı C qrupunda mübarizə aparacaqlar.
Millimizin rəqibləri meydan sahibi ilə yanaşı, Estoniya və Niderland komandaları olacaq. Yarışda ölkəmiz Şahin Çatmanın rəhbərliyi ilə təmsil olunacaq.
Qeyd edək ki, AVRO-2026-in ikinci təsnifat mərhələsində 20 komanda 5 qrupda mübarizə aparacaq. Qrup birinciləri qitə çempionatının final mərhələsinə vəsiqə qazanacaqlar.

Avropa çempionatı-2026 (2-ci təsnifat mərhələsi)
Millimizin oyun proqramı
C qrupu
27 mart
   20:00 Estoniya – Niderland
   22:30 İspaniya – Azərbaycan
28 mart
   20:00 Niderland – Azərbaycan
   22:30 Estoniya – İspaniya
29 mart
   20:00 Azərbaycan – Estoniya
   22:30 Niderland – İspaniya