“Milan”ın futbolçusu Frank Kessye Fil Dişi Sahili milli komandasının düşərgəsində zədələnib.

Rekord.az xəbər verir ki, yarımmüdafiəçi Misirə qarşı keçirilən 1/8 final mərhələsi matçının ilk hissəsində zədələnib. Kessyenin durumu tibbi müayinədən sonra bilinəcək.

Misir yığması Afrika Millətlər kubokunda Fil Dişi Sahili millisini məğlub edib (əsas vaxt – 0:0, penaltilər – 5:4).

“Milan” heyətini yeni hücumçu ilə də gücləndirib. A Seriyası təmsilçisi Serbiyanın “Srvena Zvezda” klubunun futbolçusu Marko Lazetiçi transfer edib. Bu barədə klubun mətbuat xidməti məlumat yayıb.

“Milan” 17 yaşlı hücumçu üçün “Srvena Zvezda”ya 4 milyon avro ödəyib. Lazetiçlə müddəti 2026-cı ilin yayına qədər olan müqavilə imzalanıb.

Lazetiç bu mövsüm “Srvena Zvezda” ilə 21 oyunda 7 qol vurub.