Alison Beker İngiltərənin "Liverpul" klubunda 300 oyuna çıxan üçüncü braziliyalı futbolçudur.

Rekord.az xəbər verir ki, 32 yaşlı qapıçı buna I turda "Bornmut"la (4:2) matçda iştirak etməklə nail olub.

O, Premyer Liqada 230, UEFA Çempionlar Liqasında 52, İngiltərə Kubokunda 9, ölkə Superkubokunda 3, Liqa Kuboku, Avropa Liqası və klublararası dünya çempionatında iki matçda meydana çıxıb.

Alison Beker bu göstəricidə həmyerliləri Roberto Firmino (362) və Lukas Leyvadan (346) geri qalır.