İspaniyanın "Valensiya" klubu baş məşqçisi Ruben Baraxa ilə müqavilənin müddətini uzadıb.

Rekord.az "yarasalar"ın rəsmi saytına istinadən xəbər verir ki, 47 yaşlı mütəxəssisin yeni sözləşməsi 2025-ci ilin yayınadək nəzərdə tutulub.

Baraxa fevralda baş məşqçi təyin olunmuşdu. Onun sözləşməsi ötən mövsümün sonuna kimi idi.

"Valensiya" La Liqada geridə qalan mövsümü 42 xalla 16-cı pillədə başa vurub.