Futbol üzrə Cənubi Koreya çempionatında 6-cı turun oyunları keçirilib.

Rekord.az xəbər verir ki, Azərbaycan yığmasının müdafiəçisi Anton Krivotsyukun komandası “Daejeon” da növbəti matçına çıxıb.

Sözügedən kollektiv səfərdə “Suvon”la qarşılaşıb. Futbolçumuzun komandası bu oyunda məğlubiyyətə üzülüb - 3:5.

Anton da bu görüşün iştirakçısı olub. O, start heyətdə meydana çıxıb. Milli üzvü 76-cı dəqiqədə birbaşa qırmızı vərəqə alaraq meydandan qovulub.

“Daejeon” hazırda 11 xalla 4-cü pillədə qərarlaşıb.