Kişi voleybolçulardan ibarət “AZERRAIL” klubu avrokuboklarda mübarizəsini davam etdirir. "Rekord.az" xəbər verir ki, təmsilçimiz bu gün turnirin 1/32 final mərhələsində Niderlandın “Orion Stars” klubu ilə qarşılaşıb.

Bakıda yerləşən FHN-in idman zalında keçirilən görüş “AZERRAIL”in üstünlüyü ilə başlayıb. İlk setdə komandamız 25:23 hesabı ilə qalib gəlib. Lakin növbəti hissələrdə üstünlüyü rəqib ələ keçirərək matçı 3:1 hesabı ilə qazanıb.

Qeyd edək ki, “AZERRAIL” cavab matçını bir həftə sonra Niderlandda keçirəcək.

CEV VOLLEYBALL CUP - 1/32 final

Birinci oyun 

13.11.2025

   “AZERRAIL” vs “Orion Stars” 1:3 (25:23, 18:25, 24:26, 26:28)