2022-ci ildə Qətərdə keçiriləcək dünya çempionatının final mərhələsinin püşkatmasında keçmiş məşhur futbolçular da iştirak edəcəklər.

Rekord.az FİFA-nın rəsmi saytına istinadən xəbər verir ki, futbol üzrə dünya çempionları – almaniyalı Lotar Matteus və braziliyalı Kafu mərasimin iştirakçıları arasında olacaq. Bundan başqa, mərasimdə milli komandalarda qol sayına görə rekordçu iranlı Əli Daei, olimpiya çempionu nigeriyalı Cey-Cey Okoça və Avstraliya millisinin keçmiş futbolçusu Tim Keyhill də var.

DÇ-2022-nin püşkatması aprelin 1-də keçiriləcək. Mundial 21 noyabr-18 dekabrda təşkil olunacaq.