VI İslam Həmrəyliyi Oyunlarının voleybol yarışlarının proqramında dəyişiklik edilib. "Rekord.az" xəbər verir ki, Səudiyyə Ərəbistanının paytaxtı Ər-Riyadda təşkil edilən VI İslam Həmrəyliyi Oyunlarında mübarizə aparan qadın voleybolçulardan ibarət Azərbaycan millisi sabah ilk oyununa çıxacaq.

Komandamız əvvəlcədən nəzərdə tutulduğu kimi Tacikistanla deyil, İranla qarşılaşacaq. Buna səbəb Tacikistan komandasının müəyyən səbəblərdən Ər-Riyada vaxtında yollana bilməməsidir. Təşkilat komitəsinin qərarına əsasən, millimizin sabahkı rəqibi İran olub.

Burada isə maraqlı məqam yaranır. Belə ki, əvvəlki proqrama görə sabah İran-Türkiyə matçı da keçirilməli idi. Bizim rəqibimiz Tacikistan isə oyuna vaxtında çata bilməyəcək. Belə olan təqdirdə bizim oyunun təxirə salınması və ya həmin gün oynamayacaq komandanın bizə rəqib təyin edilməsi əvəzinə heç bir problem yaranmayan digər oyunda dəyişiklik edilir və həmin komandalardan biri bizim ilk rəqibimiz təyin olunur.

Qeyd edək ki, komandamız növbəti oyunlarda Tacikistan, Türkiyə və Əfqanıstan kollektivləri ilə üz-üzə gələcək.

İslam Oyunları 

4 noyabr 

   14:00 İran - Azərbaycan 

   17:00 Türkiyə - Əfqanıstan 

6 noyabr 

   14:00 Azərbaycan - Tacikistan 

   17:00 Türkiyə - İran

9 noyabr 

   14:00 Əfqanıstan - Tacikistan 

   17:00 Türkiyə - Azərbaycan 

11 noyabr 

   14:00 İran - Əfqanıstan 

   17:00 Türkiyə - Tacikistan 

12 noyabr 

   14:00 İran - Tacikistan 

   17:00 Azərbaycan - Əfqanıstan 

13 noyabr 

   10:00 Üçüncü yer uğrunda oyun 

   16:00 Final

   18:30 Mükafatlandırma mərasimi 

Oyunların başlama saatı Azərbaycan vaxtı ilə verilib.