İngiltərədə aprel ayının ən yaxşı məşqçisi müəyyənləşib.

Rekord.az xəbər verir ki, bu barədə yarışın rəsmi saytı məlumat yayıb.

“Vulverhempton"un çalışdırıcısı Vitor Pereyra ötən ayın ən yaxşısı seçilib. Onun komandası Premyer Liqada aprel ayında 5 oyuna çıxıb və hamısında qalib gəlib.

“Vulverhempton" hazırda Premyer Liqada 41 xalla 13-cü pillədə qərarlaşıb. Portuqaliyalı mütəxəssis dekabrda baş məşqçi təyin ediləndə isə komanda cəmi 9 xalla 19-cu yerdə idi.

“Liverpul”un yarımmüdafiəçisi Aleksis Makallister isə aprelin ən yaxşısı seçilib. 26 yaşlı futbolçu ötən ay meydana çıxdığı oyunlarda 2 qol və 1 məhsuldar ötürmə müəllifi olub.