Avropa Voleybol Konfederasiyası Azərbaycan Voleybol Federasiyasının daha bir əməkdaşına etimad göstərib. "Rekord.az" xəbər verir ki, federasiyasının həkimi,  CEV-in Tibb Komissiyasının üzvü Vüsalə Kazımovaya ilk dəfə avroliqa oyunlarına təyinat alıb.

Həmyerlimiz qadın voleybolçular arasında Qızıl Avropa Liqasının final mərhələsinin oyunlarında iştirak edəcək. 
Kazımova Bolqarıstanın Ruse şəhərində keçirilən oyunlara CEV-in tibbi nümayəndəsi olaraq nəzarət edəcək. 

Qeyd edək ki, Qızıl Avropa Liqasının final mərhələsində İspaniya, Xorvatiya, Çexiya və ev sahibi Bolqarıstan milli komandaları mübarizə aparacaq.