Almaniyanın “Union Berlin” klubu heyətini yeni futbolçu ilə gücləndirib.

Rekord.az xəbər verir ki, Bundesliqa təmsilçisi “Şalke”nin hücumçusu Sedrik Toyxerti transfer edib.

Bu barədə paytaxt təmsilçisinin rəsmi saytı məlumat yayıb. 23 yaşlı forvardla müqavilənin müddəti və digər detalları açıqlanmayıb.

“Nürnberq”in yetirməsi olan Toyxert, 2018-ci ildən “Şalke”də çıxış edirdi. O, geridə qalan mövsümü icarə əsasında “Hannover”də keçirib.