Böyük Britaniyanın idman naziri Naycel Haddleston Rusiyanın 2028-ci il futbol üzrə Avropa çempionatına ev sahibliyi etmək istəyindən danışıb.

Rekord.az xəbər verir ki, nazir Rusiyanın bu istəyini ələ salıb.

O, işğalçı ölkənin dünya idman ailəsindən qovulduğunu bildirib:

“Hökumətin siyasəti elədir ki, Rusiya dünya idman arenasında qovulmuş hesab olunur. Belə davranmaq lazımdır, hər şey qüvvədə qalır”.

İngiltərə, Şimali İrlandiya, İrlandiya, Şotlandiya və Uels futbol assosiasiyaları AVRO-2028-ə ev sahibliyi etmək üçün birgə ərizə təqdim ediblər.

Rusiya və Türkiyə Avro-2028 və ya 2032-yə, İtaliya isə Avro-2032-yə ev sahibliyi etməkdə maraqlı olduqlarını bildiriblər.