Futbol üzrə İslandiya millisi Azərbaycan yığmasına qarşı keçirəcəkləri DÇ-2026-nın seçmə mərhələ oyununda qalib gəlmək istəyir. 

Rekord.az xəbər verir ki, bu barədə komandanın baş məşqçisi Arnar Qunnlauqsson qarşılaşmadan əvvəl keçirilən mətbuat konfransında deyib. 

"Bunun ölüm-dirim məsələsi olduğunu söyləməyəcəyəm. Böyük arzularımız var. Azərbaycanla matçda qalib gəlməliyik. Özümüzə təzyiq göstərməliyik".

O, oyunçuların görüşə kökləndiyini sözlərinə əlavə edib:

"Hər kəs inanılmaz dərəcədə sakitdir. Məşqlər fantastik keçdi. Meydan da möhtəşəmdir. Həyacan səviyyəsinin yerində olduğunu düşünürəm. Həqiqətən növbəti matç üçün yaxşı hisslərim var".

İslandiya - Azərbaycan görüşü sentyabrın 5-də, Bakı vaxtı ilə saat 22:45-də başlayacaq.