Yeniyetmə voleybolçular arasında Azərbaycan birinciliyinin pley-off mərhələsinin püşkatma mərasimi keçirilib. "Rekord.az" xəbər verir ki,  bu gün GİN-in Voleybol Mərkəzində təşkil olunan tədbirdə Azərbaycan Voleybol Federasiyasının (AVF) idman şöbəsinin rəhbəri Şir-Aslan Kərimov, federasiyanın və pley-offa vəsiqə qazanmış klubların nümayəndələri iştirak ediblər.

Pley-off mərhələsində müxtəlif yaş qrupları üzrə ümumilikdə 44 komanda (qızlar və oğlanlar) iştirak edəcək: U-14 yaş qrupunda 16 komanda, U-16 yaş qrupunda 14 komanda və U-18 yaş qrupunda 14 komanda. 

Qeyd edək ki, pley-off və final oyunları Bakıda keçiriləcək.

Pley-off və final mərhələsi

   13-15 mart - 16 yaşadək (U-16) voleybolçular

   27-29 mart - 14 yaşadək (U-14) voleybolçular

   3-5 aprel - 18 yaşadək (U-18) voleybolçular